Аб выступе Пастаяннага прадстаўніка Беларусі ў Жэневе на міністэрскім круглым стале ЮНКТАД па пытаннях рэгіянальнай інтэграцыі
07.10.2021 г.6 кастрычніка 2021 года Пастаянны прадстаўнік Беларусі ў Жэневе Юры Амбразевіч прыняў удзел у пасяджэнні круглага стала на ўзроўні міністраў «Рэгіянальная інтэграцыя ў імя стрэсаўстойлівасці, інклюзіўнасці і ўстойлівай будучыні», які ўваходзіць у праграму 15-й Канферэнцыі ЮНКТАД.
Юры Амбразевіч адзначыў, што ў цяперашні час, калі цэнтрабежныя палітычныя тэндэнцыі, якія сілкуюцца уздзеяннем пандэміі COVID-19 і агрэсіўным выкарыстаннем аднабаковых прымусовых мер, падрываюць мульцілатэралізм, менавіта рэгіянальная інтэграцыя і міжрэгіянальнае ўзаемадзеянне могуць дазволіць нам стварыць падмурак для аднаўлення і развіцця. У гэтым сэнсе Беларусь перакананая ў неабходнасці замацавання ў мандаце ЮНКТАД пытанняў рэгіянальнай інтэграцыі і заахвочвання дыялогу паміж рэгіянальнымі інтэграцыйнымі ўтварэннямі.
Беларускі прадстаўнік праінфармаваў удзельнікаў круглага стала аб анлайн-канферэнцыі высокага ўзроўню «Выкарыстанне патэнцыялу міжрэгіянальнай інтэграцыі для дасягнення Мэтаў ўстойлівага развіцця», якая прайшла 20 мая 2021 г. і суарганізатарам якой выступіла Беларусь.
Юры Амбразевіч прадставіў членам ЮНКТАД нефармальны дакумент, які замацоўвае вынікі канферэнцыі, і выказаў надзею на далейшае развіццё ў рамках ЮНКТАД і іншых шматбаковых пляцовак тэмы рэгіянальнай інтэграцыі і ўзаемадзеяння паміж рэгіянальнымі інтэграцыйнымі праектамі.
