Аб удзеле Беларусі ў 72-й сесіі Выканкама УВКБ
06.10.2021 г.З 4 па 9 кастрычніка 2021 г. у Жэневе праходзіць 72-я сесія Выканаўчага камітэта праграмы Упраўлення Вярхоўнага камісара ААН па справах бежанцаў (УВКБ). У сесіі прымае ўдзел дэлегацыя Беларусі, якая складаецца з прадстаўнікоў Пастаяннага прадстаўніцтва Беларусі.
Пятага кастрычніка ў рамках агульнай дыскусіі сесіі адбылося выступленне кіраўніка нацыянальнай дэлегацыі – Пастаяннага прадстаўніка Рэспублікі Беларусь пры Аддзяленні ААН і іншых міжнародных арганізацыях у Жэневе Юрыя Амбразевіча.
У сваёй прамове Пастаянны прадстаўнік Беларусі падкрэслiў факт 70-годдзя прыняцця Канвенцыі па уцекачам 1951 года — аднаго з ключавых дакументаў у працы УВКБ. Юрый Амбразевіч адзначыў існуючую актуальнасць мандата Упраўлення ў сучасным свеце ў сувязі з рознымі войнамі і канфліктамі, якія выклікаюць масавае вымушанае перамяшчэнне людзей. У сувязі з гэтым кіраўнік беларускай дэлегацыі акцэнтаваў увагу на ініцыятыве Прэзідэнта Рэспублікі Беларусь пра неабходнасць правядзення глабальнага дыялогу па бяспецы, рэалізацыя якога будзе спрыяць, сярод іншых фактараў, ліквідацыі першапрычын, якія ляжаць у аснове масавага вымушанага перамяшчэння.
Пастаянны прадстаўнік Беларусі пракаментаваў перспектывы далейшага супрацоўніцтва Рэспублікі Беларусь з УВКБ, адзначыўшы неабходнасць атрымання далейшай падтрымкі з боку Упраўлення ў кантэксце далучэння краіны да двух канвенцый па безграмадзянству.
Беларускі дыпламат засяродзіў асаблівую ўвагу на сітуацыі з нелегальнымі мігрантамі на мяжы Беларусі з Латвіяй, Літвой і Польшчай. Ён падкрэсліў, што нелегальныя мігранты не просяць прытулку ў Беларусі, але просяць прытулак у гэтых трох краінах, якія, у парушэнне Канвенцыі па уцекачам, адмаўляюцца разглядаць просьбы мігрантаў і сілком высылаюць іх у Беларусь, што ўжо прывяло да шэрагу трагічных выпадкаў. Пастаянны прадстаўнік Беларусі заклікаў тры краіны выконваць свае міжнародныя абавязацельствы.
