Аб удзеле Міністра замежных спраў Беларусі М.Рыжанкова ў мерапрыемствах высокага ўзроўню ў Жэневе (трэці дзень)
26.02.2025 г.26 лютага 2025 г. у Жэневе Міністр замежных спраў Рэспублікі Беларусь Максім Рыжанкоў выступіў на Сегменце высокага ўзроўню Канферэнцыі ААН па раззбраенні.
Кіраўнік беларускай дыпламатыі падвергнуў рэзкай крытыцы палітыку мілітарызацыі ў дзяржавах-членах НАТА, прывёўшы канкрэтныя лічбы іх ваенных расходаў, якія пастаянна растуць, і якія кладуцца непад’ёмным цяжарам на бюджэты такіх краін як Латвія і Літва. Больш за тое, разам з Польшчай гэтыя краіны-суседзі ўвесь час пагражаюць бяспецы Беларусі.
Міністр падкрэсліў, што ў такіх умовах Беларусь вымушана рэагаваць на ўзнікаючыя ваенныя пагрозы і павышаць свой абарончы патэнцыял. Пры гэтым наш абсалютны прыярытэт — максімальныя інвестыцыі ў мірнае жыццё і дабрабыт народа.
Як мірная дзяржава Беларусь заўсёды прапаноўвала зніжэнне ваенна-палітычнай напружанасці праз дыпламатыю і перамовы, у тым ліку ва Украіне. «У сувязі з гэтым мы вітаем распачаты дыялог паміж Расіяй і ЗША», – адзначыў Максім Рыжанкоў.
Са свайго боку Мінск правёў дзве канферэнцыі па еўразійскай бяспецы, адкрытыя для ўсіх зацікаўленых, і будзе прадаўжаць гэту практыку, фарміруючы перадумовы для аднаўлення справядлівай, бяспечнай і ўстойлівай архітэктуры міжнародных адносін.
Завяршаючы выступленне, Міністр заклікаў міжнародную супольнасць словамі Прэзідэнта Рэспублікі Беларусь Аляксандра Лукашэнку «адысці ад краю прорвы: зберагчы мір ад войнаў, адрадзіць цывілізаваныя зносіны, захаваць чалавечыя каштоўнасці і перадаць наш агульны дом у надзейныя рукі будучым пакаленням».
Пазней у гэты дзень Міністр замежных спраў Беларусі Максім Рыжанкоў правёў сустрэчу з Вярхоўным камісарам ААН па правах чалавека Фолькерам Цюркам, на якой адбыўся крытычны абмен думкамі аб становішчы з правамі чалавека ў свеце. Міністр падкрэсліў, што Беларусь працягне супрацьстаяць маніпуляванню праваабарончымі інструментамі, якое прыводзіць да таго, што правы чалавека ў так званых спелых дэмакратыях рэзка дэградуюць, а УВКПЧ на гэтым сумным фоне канцэнтруецца на непажаданых для Захаду краінах, уключаючы Беларусь.
Міністр запрасіў Вярхоўнага камісара наведаць Беларусь, каб асабіста азнаёміцца з рэальнай сітуацыяй з правамі чалавека ў краіне.
