Аб 152-й сесіі Выканаўчага камітэта СААЗ
31.01.2023 г.У Жэневе праходзіць 152-я сесія Выканаўчага камітэта СААЗ, у якой прымае ўдзел дэлегацыя Рэспублікі Беларусь на чале з намеснікам Міністра аховы здароўя — Галоўным дзяржаўным санітарным урачом Рэспублікі Беларусь Аляксандрам Тарасенкам.
Беларусь была абрана членам Выканкама СААЗ у маі 2021 г. на перыяд 2021 – 2024 гг.
Парадак дня сесіі ўключае цэлы шэраг важных пытанняў, сярод якіх: прафілактыка неінфекцыйных захворванняў, інфекцыйны кантроль, ліквідацыя менінгіту, рэабілітацыя, стандартызацыя наменклатуры медыцынскіх вырабаў і інш.
У сваім выступленні А.Тарасенка падкрэсліў: «У сучасным турбулентным свеце тэма грамадскай аховы здароўя асабліва актуальная. Выклікі, якія ўзнікаюць у галіне аховы здароўя, толькі абвастраюць негатыўныя тэндэнцыі ў глабальнай палітыцы і ўскладняюць працэсы ўстойлівага развіцця. І тут важна аб'яднанне намаганняў як на глабальным, так і на рэгіянальным узроўнях».
