Аб адкрыццi беларускай экспазiцыi ў Жэнеўскiм ўнiверсiтэце
28.11.2018 г.27 лiстапада 2018 г. на базе фiлалагiчнага факультэта Жэнеўскага ўнiверсiтэта адбылося ўрачыстае адкрыццё пастаяннай мiнi-экспазiцыi, прысвечанай гiсторыi Беларусi, станаўленню яе дзяржаўнасцi, пiсьменнасцi, мовы i лiтаратуры.
Ў цырымонii ўзялi ўдзел Пастаянны прадстаўнiк Беларусi ў Жэневе Юры Амбразевiч, дырэктар Нацыянальнай бiблiятэкi Беларусi Раман Матульскi, прадстаўнiкi рэктарата, выкладчыкi i студэнты.
Падчас ўрачыстага мерапрыемства адбылася перадача ў якасцi нацыянальнага падарунка факсiмiльнай копii першага беларускага Буквара, якi быў надрукаваны роўна 400 год таму, ў 1618 годзе, ў мястэчку Еўе, што знаходзiлася недалёка ад Вiльнi (ў той час Вялiкае Княства Лiтоўскае).
Беларускi Буквар 1618 г. з′яўляецца першай з вядомых сёння на славянскiх тэрыторыях кнiг-падручнiкаў, якiя атрымалi назву «Буквар». Пазней гэты тэрмiн ўвайшоў ў дзясяткi моў. Падручнiк ўтрымлiваў славянскi алфавiт, асновы граматыкi i меў вялiкае значэнне ў асветнiцкай справе.
Асноўнай мэтай мерапрыемства з′яўляецца як мага больш шырокае знаёмства замежнай аўдыторыi, ў тым лiку людзей, якiя вывучаюць славянскiя мовы, з Беларуссю, яе культурай, пiсьменнасцю, лiтаратурай.
З Жэнеўскiм ўнiверсiтэтам дасягнута дамоўленасць аб сумеснай працы дзеля ўсталявання доўгатэрмiновых адносiн памiж акадэмiчнымi кругамi Беларусi i Швейцарыi.
